Buggy Umhverfis miðhálendið á 5 dögum

5 dagar - 4 nætur - Verð tilboð

Ferðin hefst á Lambhagavegi 13, Reykjavik.

Í upphafi er farið yfir helstu öryggisatriði varðand buggý bílana og í upphafi hvers dags er dagleiðin rýnd á korti.

Dagur eitt, guli ferillinn: 260 km, keyrslu tími 8 klst, hækkun 3500 m & lækkun 3000 m.  

Upphafs punktur ferðarinnar er í Reykjavík á Lambhagavegi 13, megnið af deginum erum við á malarvegum sem enda upp í Kerlingafjöllum, þar er gist í  690 metra hæð yfir sjávarmáli umkringd jöklum.  Á þessari dagleið keyrum við meðfram laxveiðiá, stuðlabergi, keyrum af norður ameríku flekanum yfir á evrasíuflekann , fram hjá elsta alþingi í heimi eins og við þekkjum þau í dag, Geysi, Gullfoss og útsýni að jöklum.

Dagur tvö, rauði ferillin: 368 km, aksturstími 8 klst, hækkun 4100 m & lækkun 4800 m.

Áfram höldum við norður á bóginn þar sem vötn falla fljótlega til Skagafjarðar með allt  annarri náttúru.  Skagafjörður með endalaus tún og sveitabæi opnast fyrir okkur og verður leiksvæði okkar lungað úr deginum.  Keyrum við í gegnum tvo sveitabæi þar sem við fáum leiðsögn frá bændunum sjálfum, hádegis matur í bakaríinu á Sauðárkróki áður en við þeysum austur sandana með stefnuna á eyðibýlið Kólkuós, á leið okkar á mjög svo sérstakan höfða, Þórðarhöfði um Höfðamöl austan megin í Skagafirði.   Upp úr Skagafirði eru þrjá leiðir til austurs (fer eftir snjóa lögum í fjöllum) til Eyjafjarðar, yfir Tröllaskaga um Siglufjarðarskarð i Siglufjörð  , Lágheiði yfir á Ólafsfjörð eða Heljardalsheiði yfir í Svarfaðardal og munum við gista á Dalvík. 

Dagur þrjú, græni ferillinn: 252 km, aksturs tími 7.5 klst, hækkun 3050 m & 2800 m lækkun.

Nú erum við komin í Eyjafjörð og nauðsynlegt að hafa augun á haffletinum í stoppum því ekki er óalgengt að sjá hvali í Eyjafirði og það jafnvel töluvert innarlega á firðinum.  Á Akureyri verður stoppað í 3 klst.  Akureyri hefur uppá að bjóða fjölbreytt úrval  veitingastaða, verslana og annarrar þjónustu. Eftir gott stopp á Akureyri þar sem bæði menn og bílar eru nærðir höldum við leið okkar fram hjá  Skógarböðunum, keyrum gömlu Vaðlaheiðina yfir í Fnjóskadal, fikrum okkar inn þéttan skóginn í Fnjóskadal og stoppum innst í dalnum við bæinn Sörlastaði.  Í kjölfarið á  Sörlastöðum keyrum við upp línuveg samhliða Hellugnúpsá á leið okkar yfir í Bárðardal.  Komum við ofan í dalinn við bæinn Hlíðarenda og höldum sem leið liggur suður Bárðardal og förum við yfir hið þekkta kennileiti, brúnna suður af Stóruvöllum og yfir hið tilkomumikla Skjálfandafljót á leið okkar upp í Svartárkot.  Svartárkot stendur í tæplega 400 m hæð yfir sjávarmáli og er á mörkum Ódáðahrauns.  Á leið okkar í gegnum hlaðið á Svartárkoti vonumst við til að hitta bóndann í stutt spjall áður en ótrúlega magnað landslag, þakið Birki, hrauni og Mosa tekur við sem heillar alla náttúru unnendur.  Fljótlega birtist Sellandafjall á sjóndeildarhringnum og þar stendur flugvöllur og gamalt flugskýli, Sellandafjall er mjög vinsælt til svifvængjaflugs vegna mikils uppstreymis yfir sumarmánuðina.  Þessi langi dagur endar á 4 stjörnu hóteli á einni af okkar fallegustu náttúruperlu, Mývatni.

Dagur fjögur, blái ferillinn: 409 km, aksturstími 8 klst. Hækkun 2100 m & 1900 m lækkun.

Eftir góða hvíld á Mývatni munum við keyra 2/3 sömu leið vestur í Bárðardal, nema hvað við munum fara upp á  Sprengisand, fyrst förum við nánast í gegnum hlaðið á bænum Bólstað sem lék stórt hlutverk í myndinni Hrútar og á leið okkar upp á hið tilkomumikla hálendi Íslands kíkjum við á Aldeyjarfoss umkringdan mögnuðu stuðlabergi.   Þaðan verður næsta stopp Nýjidalur en á leiðinni sjáum við Öskju, Trölladyngju, Tungnafellsjökul og Bárðarbungu á vinstri hönd og Hofsjökul á hægri hönd. Nýidalur er skáli staðsettur á norðvestur horni Vatnajökuls, stærsta jökuls Evrópu.Þaðan keyrum við Vonarskarð, framhjá Hágöngulóni, Skrokköldu, Þverölduvatni, Þórisvatni og áfangastaðurinn er hótel Hrauneyjar.  Ef tími gefst til, þá er í boði að bruna inn í Landmannalaugar njóta stórfenglegar náttúru og skola af sér í lauginni eftir langan dag.

Dagur fjögur, svarti ferillinn: 400 km (já 400 km :-) ), keyrslutími 10 klst, klifur 5680 m & 6000 m lækkun.

Líkt og fyrri dagana munum við deila staðkunnáttu okkar og mögnuðum slóðum og vegum sem fáir íslendingar þekkja.  Hefst leiðin á frábærum slóða rétt utan við hótelið í Hrauneyjum, Sigölduvegurinn Gamli á leið okkar inn á  Dómadal, keyrum upp hina bröttu Pokahryggi á leið okkar inn í Hrafntinnusker.  Ólýsanleg litadýrð, gufuhverirnir og fossar sem alls ekki eru á allra vitorði er hluti af ólýsanlegri náttúrufegurð Fjallabaks.  Rauðaskál, Háifoss, Gullfoss eru hluti af þeim stöðum sem við sjáum á þessum síðasta degi okkar til Reykjavíkur. 

Innifalið

• 5 daga  Buggy ferð.
• Einangraður galli
• Hjálmur
• Andlitshlíf
• Við útvegum allan búnað fyrir örugga og þægilega ferð

	Í BOÐI Sumar		LENGD 5 dagar
	ERFIÐLEIKASTIG Miðlungs, langir dagar		LÁGMARKSALDUR 17 ára eða börn í fylgd með fullorðnum
	BROTTFARASTAÐUR Lambhagavegur 13, Reykjavík		SÆKJA TIL REYKJAVÍKUR Í boði

Gilt ökuskírteini er skilyrði til að fá að keyra Buggy bíl.

Verð miðast við að komið sé á staðinn á Lambhagaveg 13, Reykjavík.